Күнүгө ушул абал!.. Же ал кетпеди бул үйдөн, же мен кетпедим! Экөөбүз аңдышкан жоодой болуп, бири-бирибизди көргөн кезде сүйлөшпөй да калчу болдук… Жаман көздөр менен тиктеше, ооз учунан бүлк эткизип саламдашкан болобуз…
Бул жашоо дегениң кызык эле нерсе да!…Кыскасы, Маскөөнүн батиринде жалаң тууган-уруктар менен жашайбыз. Анчалык деле көп эмес, сиз ойлогондой… Саналуу гана адамдар!.. Сиңдимдин кичинекейи да бар, ал го эми бала… ооруп-сыркап калат, ынжыңдап кээ түндөрү ыйлап калат, баланыкы кечиримдүү, кечирбешке айлаң да жок, уралбайсың, сөгалбайсың дегендей… «Ыйлабай жат, мен чарчадым, дем алам» десең түшүнмөк беле, кайра үйдү башына кийип ыйлаары турган кеп… Мени айтайын дегеним такыр башка маселе!
Кыргызстанга барып той өткөрүп кайра келсем, алысыраак бир туугандардын баласы келип жашап атыптыр бизде. Улуту да өзбек. Биздин туугандарга да аралашып кеткен өзү. Кайын журтум кашкарлыктар болгондуктан, өкүл энемдин туугандары болуп кетет, мага кайнаса каны кошулбайт. Келген күнү эле кеч биздин бөлмөгө аялы экөө жатып калган экен. Коңурукту кош тартып чыкса болобу.
Мындайга көнбөгөн жаным, таң аткыча бир уктасам кана. Аялын утуру түрткүлөйм: «Ботом, эриңди кырынан жат десеңчи, ушул эле уктаса да», — деп кобуранып койом… Ошентип такыр эле уктай албай калчу болдум. Түнүм күнгө алмашып, айла жок ноутбугумду кучактап алып ашканада отурам. Эки-үч күн мурун эки сменде иштеп аябай чарчаган элем, уктап бир дем алайын десем, дагы баягы кудай аткыр коңурук!
— Эй, уйку бересиңби деги кишиге? Коңурук деген музыкасы жок жатсак болбойбу? — деп эбиреп жебиреп тилимди агытып салдым мен да, жан кашайганда. Өзүн этиеттейби десем жоок, кайра беттен алып атпайбы:
— Нима, мен атайиляпами, уктап атып нимани биламан, керек боса менин дадам ушунака тартаар экан, уругумда бар да эжаа, кулагиңизга пахта тыкып алиң, — дейт кайра итиркейди келтирип.
«Уурусу күчтүү болсо, ээсин доого жыгат болуп» бозоруп эле отуруп калдым! «Уругуң башыңда калгыр», — деп койом ичимен. Тышыман балээниби? Тууганчылыкты сыйлайм да, ошентип коңуруктан качып жүргөк кербезим, туугандар!..
Мына азыр эле дем алайынчы деп кире калып, үй коңуруктан жарыла жаздап калган экен, кайра качып чыгып, жели чыккан шардай болуп отуруп калдым шалдайып, шуу үшкүрө. Бирдеме деп катуурак айтсам уруша кеткидеймин. «Самара үйлүү, пулдуу болуп, тууган-урукту батышпай калыптыр», — деп чыгышаары анык! Арийне, мындай кепке калбаш үчүн айла жок, ошол тууган айтмакчы, кулакка пахта тыгып, «төө көрдүңбү жок, бээ көрдүңбү жок» болуп жашайм да эми, анан кантмек элем?!
«Атың өчкөн коңуру-ук, сен кайдан пайда болгон экенсиң ээ, сага каргыш тийсин, мурдуң кесилгир «, — деп коңурукту каргап отурган кербезим! Ыйлайын десем күлкүм келет, күлөйүн десем ыйлагым келет… Айтор башым маң….
Асыресе мындай көрүнүштөр жаңылык деле эмес дечи, бирок “Байкуш ай, дагы канчага түтөөр экенсиң” деп өзүмө боорум ооруду бүгүн…..
Сөздүн ток этээр жери: же ал, же мен кетишим керек болуп турат. Алар квартира таба албай атабыз дешет, а менин күндөн күнгө нервим жукарып баратат…
Көп окулгандар
O`Шакир: «кичи-кичи», окурман!
- 16.02.2022
- 27402
Кыргыз Эл Жомогу: Камкор Бала Жана Анын Достору
- 26.03.2024
- 19009
Арабдар элди рухий кулга айлантуунун жөнөкөй жолун тандашкан
- 06.04.2023
- 14737
Антон Чехов: Хамелеон
- 15.04.2022
- 4733
Конкурстук чыгармалар
Биздин Архив
- Май 2024 48
- Апрель 2024 99
- Март 2024 99
- Февраль 2024 73
- Январь 2024 70
- Декабрь 2023 62
- Ноябрь 2023 63
- Октябрь 2023 60
- Сентябрь 2023 34
- Август 2023 50
- Июль 2023 41
- Июнь 2023 38
- Май 2023 50
- Апрель 2023 57
- Март 2023 54
- Февраль 2023 41
- Январь 2023 48
- Декабрь 2022 37
- Ноябрь 2022 25
- Октябрь 2022 32
- Сентябрь 2022 29
- Август 2022 29
- Июль 2022 45
- Июнь 2022 41
- Май 2022 37
- Апрель 2022 42
- Март 2022 49
- Февраль 2022 51
- Январь 2022 50
- Декабрь 2021 59
- Ноябрь 2021 41
- Октябрь 2021 72
- Сентябрь 2021 63
- Август 2021 69
- Июль 2021 83
- Июнь 2021 85
- Май 2021 63
- Апрель 2021 66
- Март 2021 85
- Февраль 2021 74
- Январь 2021 82
- Декабрь 2020 96
- Ноябрь 2020 63
- Октябрь 2020 51
- Сентябрь 2020 67
- Август 2020 56
- Июль 2020 67
- Июнь 2020 30
- Май 2020 43
- Апрель 2020 86
- Март 2020 24
- Февраль 2020 4
- Январь 2020 1
- Декабрь 2019 8
- Ноябрь 2019 2