Колдоо көрсөтүү
KY
RU
EN
TR
Карл КРАУС (1874-1936), австралиялык жазуучу
♦ ♦ ♦
Уятсыз сүрөтчү кыз байкушту өнөрканасына азгырып барып, сүрөттү ошол жерден гана тартат.
* * *
Айымдардын көзүнөн менин оюм окулуп турганын каалайм.
* * *
Көңдөй башка көп билим шыкалат.
* * *
Жашоосу токтоп калаар Атамекениң үчүн өзүңөн өзүң өлүмгө даяр болуп каласың.
* * *
Албетте, ит ардайым ишенимдүү. Бирок ал эмнеге бизге мисал болушу керек? Ал адамга ишенимдүү болгону менен бир ит экинчисине ишенимдүү эмес да!
* * *
Эгерде кимдир-бирөө иттик кылса, өзүнүн иттиги үчүн: «Кечирип койгула, иттик менден кетти» дейт. Агер ага итке жасаган мамилени жасасаң: «Кечирип койгула, мен деле адаммын го!» деп күйгүзөт.
* * *
Тарыхчы деген ким? Ал журналистикадан нан таап жеш үчүн да жазганды билбеген адам.
* * *
Дүйнө кандайча башкарылып, согуш кандайча кызыйт? Дипломаттар журналисттерге калп айтып, гезиттерден кайра өздөрүнүн калпын окуган үчүн.
* * *
Журналисттин бүйүрү кысталышта кызыйт. А убактысы кенен кезде сууган деми менен чиймелейт.
* * *
Балдар солдатты туураганын түшүнөм, а эмне үчүн солдаттар балдарды туурашы керек!?
* * *
Жалпы эл сындай турган искусство – театр искусствосу. Ага бир-эки сынчы сөрөй мурдун чүйрүгөнү менен жалпы эл мурун чүйрүбөйт. Ал эми адабиятта – теңирден тескери.
* * *
Медицина – капчык менен өмүр.
* * *
Менин тилим – кыздыгынан айрылган кыздай: улам жамайм, улам айрылат.
* * *
Парламентаризм – бул жалпылашкандардын саясый сойкуканасы.
* * *
Психоаналитиктер чөнтөгүбүздү аңтаргандай эле көргөн түшүбүздү аңтарат.
* * *
Мурдагы декорациялар – картондой, а актерлору жандуу эле. Азыркы декорациялар кадимкидей жандуу, бирок актерлору картондой.
* * *
Азыркы режиссерлор сценадагы көлөкө көрүнүп турушу керек экенин билишпейт.
* * *
Кызганыч – ууруну көрүп, баарына ажылдай берген иттей.
* * *
Аялдарды коргобойм, бирок эркектерди да колдобойм.
