Колдоо көрсөтүү
KY
RU
EN
TR
Нинон де ЛАНКЛО
(1620-1706)
Бул айым өз доорунда Франциядагы адабий салондордун бирине ээлик кылган сойку болгон.
* * *
Аялзатка арзууңду жеткиргенге караганда көбүрөк кылыктандырсаң, ычкырын тезирек чечет.
* * *
Кудай-тааладан суранарым, мени берешен адам кылса мейли, бирок берешен катын кылбасын.
* * *
Ычкырын чечкенге шыр көнбөгөн аялды, төшөк тайрыйбасын көп көргөн жан деп түшүнгүлө.
* * *
Аялды же сүйүш үчүн, же ичи-койнуна кириш үчүн танда.
* * *
Сүйүү – мышыктай митайым. Аны бираз эркелетип, сылап-тарадың дегиче этиң канаганча тытып алат.
* * *
Сүйүү тобокел жасаган эле соодага окшош. Себеби көп учурда ташжалак калтырат.
* * *
Катынына ойноштук кылып кармалган эркектей бир заматта момун боло калган эркекти өмүрү көргөн эмесмин.
* * *
Эркектер үстүбүзгө чыгарда олдоксон болбогондо, биз – аялдар, дайыма эле берешен болмокпуз. Эркектер ой-максатына жетпегени ошондон.
* * *
Бирөөнүкүндө малайлыкта жүргөндө эки жүздүү анан эки ача сүйлөгөн жан болушуң керек.
* * *
Сүйүүсү сууган жандар жөн гана ээрчишип калат. Ээрчишкен жашоодон жадаганда, ойноштукка барышат.
