Колдоо көрсөтүү
KY
RU
EN
TR
Баардык саясый режимдин сойкулары – парламенттегилер. Демократия алдындагы сойкулар – өзүбүз.
* * *
Саясатчылар карапайым элге көңүл бурсун, макулмун. Бирок муну алардын айкөлдүгү катары кароого болбойт, ит деле денесиндеги битке көңүл бурат.
Патрик О`РУРК
(1947), америкалык жазуучу
Башкаруучу болуш оңой, башчы болуш кыйын.
Иоганн Вольфганг ГЕТЕ
(1749-1832), немис акыны
Шүмшүктөрдүн жападан жалгыз сыйынары – патриотизм.
Сэмюэл ЖОНСОН
(1709-1784), англис жазуучусу
Бир гана адамдын журтбашылыгына ишенген калктын жонунан камчы кетпейт.
* * *
Элдин жарымы эс-акылсыз, жарымы аң-сезимсиз болгону – зөөкүр акимдер үчүн оңбогондой чоң бакыт.
Иоганн ЗЕЙМЕ
(1763-1810), немис публицисти
Мамлекетти кармап турган акчалуулар асылган моюнду кармап турган арканга окшош.
Шарль МОНТЕСКЬЕ
(1689-1755), француз философу
Саясатты саясатчылар ылжыган мастай булгайт. Алардын кусундудай саясатын биз тазалайбыз.
Остин О`МАЛЛИ
(1858-1932), америкалык жазуучу
Коомдук бирикме, партия, диний уюмду сагаалагандардын баары дөөпүрөстөр менен фанаттар.
* * *
Көпчүлүк сагаалаган партиянын убайымын ар дайым азчылык көрөт.
* * *
Мыкты өкмөт башчыга көп аткаминердин кереги жок.
Александр ПОП
(1668-1744), англис акыны
Өкмөт эл ишенимин актаган учурлар тарыхта чанда бир болот.
Антуан де РИВАРОЛЬ
(1757-1801), француз жазуучусу
Саясатта жүргөн калпычылардын башка калпычылардан чоң айырмасы – бүгүн айткандарын эртең унутушат.
Жонатан СВИФТ
(1667-1745), англис жазуучусу
Начар өкмөттүн кемчилиги суу үстүндөгү акыр-чикирдей калкып турат.
Бенжамин ФРАНКЛИН
(1706-1790), америкалык окумуштуу жана саясатчы
Өлкөсүнөн эшек менен чыгып кеткендерди кайра ат минип келет деп күтпөгүлө.
* * *
Мансабын сатып алгандар сот адилеттигин да соодага айлантат.
Томас ФУЛЛЕР
(1654-1734), англис адабиятчысы
Өз партиясына эмес, өзүнө таянган министрди эл баалайт.
Филип ЧЕЧТЕРФИЛД
(1694-1773), англист дипломаты, жазуучу
Кандай бийлик болбосун жашыруун кеби бүтпөйт.
* * *
Өкмөт эчкачан күнөөсүн моюнга албагандай, эркек да жалаага моюн бергиси келбейт.
Оноре де БАЛЬЗАК
(1799-1850), француз жазуучусу
Эгерде жаратылыш мыйзамдары мамлекеттин мыйзамдарындай толтура болгондо, анча мыйзамды аткарууга Теңирдин да кудурети жетмек эмес.
* * *
Министрдин кызматтан кулаганы – колуңдагы бутербродду жерге түшүргөндөй кеп. Бирок кудай жалгап, таза жерге куласа десең.
* * *
Бийлик көп учурда өз эрки менен иш жүргүзбөйт. Ишти элден коркконунан теңирден тескери жасайт.
* * *
Начар иштеген өкмөттү мыкты иштетиш үчүн чексиз бийлигин чектеш керек.
Людвик БЕРНЕ
(1786-1837), немис публицисти
Кыргызчалаган Олжобай ШАКИР
